ਮਣੀਪੁਰ ਦੇ ਚੁਰਾਚੰਦਪੁਰ ਜ਼ਿਲ੍ਹੇ ਵਿੱਚ ਸਥਿਤ ਐਸਬੀਆਈ ਬੈਂਕ ਵਿੱਚ ਅਪਰਾਧੀਆਂ ਨੇ ਕਰੀਬ 20 ਲੱਖ ਰੁਪਏ ਦੀ ਲੁੱਟ ਦੀ ਵਾਰਦਾਤ ਨੂੰ ਅੰਜਾਮ ਦਿੱਤਾ ਹੈ। ਘਟਨਾ ਵੀਰਵਾਰ ਦੁਪਹਿਰ 2 ਵਜੇ ਦੀ ਹੈ। ਹਥਿਆਰਬੰਦ ਅਪਰਾਧੀਆਂ ਨੇ ਸਲਬੰਗ ਸ਼ਾਖਾ ਵਿੱਚ ਦਾਖਲ ਹੋ ਕੇ ਲੁੱਟਮਾਰ ਕੀਤੀ। ਹਾਲਾਂਕਿ ਮਾਮਲੇ ਦੀ ਰਿਪੋਰਟ ਲਿਖੇ ਜਾਣ ਤੱਕ ਲੁੱਟ ਦੀ ਸਹੀ ਰਕਮ ਦਾ ਪਤਾ ਨਹੀਂ ਲੱਗ ਸਕਿਆ ਸੀ।
ਇਸ ਤੋਂ ਪਹਿਲਾਂ, 4 ਸਤੰਬਰ, 2020 ਨੂੰ, ਚੂਰਾਚੰਦਪੁਰ ਵਿੱਚ ਐਸਬੀਆਈ ਦੀ ਇੱਕ ਸ਼ਾਖਾ ਤੋਂ ਦਿਨ-ਦਿਹਾੜੇ ਲਗਭਗ 1.15 ਕਰੋੜ ਰੁਪਏ ਲੁੱਟੇ ਗਏ ਸਨ। ਚੂਰਾਚੰਦਪੁਰ ਵਿੱਚ ਟੇਡਿਮ ਰੋਡ ਅਤੇ ਥੰਗਜਾਮ ਰੋਡ ਦੇ ਜੰਕਸ਼ਨ ‘ਤੇ ਸਥਿਤ ਐਕਸਿਸ ਬੈਂਕ ਦੀ ਇੱਕ ਸ਼ਾਖਾ ਨੂੰ 10 ਜੁਲਾਈ, 2023 ਨੂੰ ਲੁੱਟ ਲਿਆ ਗਿਆ ਸੀ। ਮਈ 2023 ਤੋਂ ਜਾਰੀ ਹਿੰਸਾ ਤੋਂ ਬਾਅਦ ਮਣੀਪੁਰ ਵਿੱਚ ਲੁੱਟ ਦੀ ਇਹ ਚੌਥੀ ਘਟਨਾ ਹੈ।
